नेपाल सरकार
गृह मन्त्रालय
जिल्ला प्रशासन कार्यालय,
तनहु


  तनहुँ जिल्लाकाे वस्तुस्थिति

तनहुँ जिल्लाकाे वस्तुस्थिति

नेपालको पश्चिमाञ्चल विकास क्षेत्र अन्तर्गत गण्डकी अञ्चलको दक्षिण पूर्वमा अवस्थित तनहूँ जिल्ला मूलतः महाभारत श्रृङ्खला र मध्य पहाडी भू–भागमा पर्ने विकासोन्मुख जिल्ला हो । यो काठमाण्डौँबाट ११० कि.मी. पश्चिम र पोखराबाट १९ कि.मी. पूर्वमा अवस्थित छ । मानचित्रमा यो जिल्ला ८३० ७५” देखि ८४० डिग्री ३४” पूर्वी देशान्तर, २७० ३” देखि २८० ०५” उत्तरी अक्षांशसम्म फैलिएको छ । यसको क्षेत्रफल १५४६ वर्ग कि.मी. अथवा कुल नेपालको भू–भागको १.०५ प्रतिशत रहेको छ ।
गण्डकी नदीको जलप्रवाह क्षेत्रसंग आवद्ध यस जिल्लामा सीमा नदीको रुपमा पूर्वी दिशामा मस्र्याङ्गदी र त्रिशुली नदी तथा दक्षिणमा कालीगण्डकी बहन्छ भने जिल्लाको मध्य भागबाट मादी र सेती नदी प्रवाहित हुन्छ । यस जिल्लाको अधिकत्तम उचाई भएका पहाडहरुमा छिम्केश्वरी २३२५ मि., कोटाथाम १६३० मि., राईपुरकोट १५४१ मि., मिरलुङ्गकोट १४८४ र चोक १४२९ मिटर आदि हुन् भने सबैभन्दा होचा वस्तीहरुमा देवघाट २०० मिटर, कोटा २१० मिटर दमौली ३२० मिटर आदि हुन् । यस प्रकार तनहूँको अधिकांश भूभाग ३०० मिटर–१२०० मिटर बीचको होचो पहाडी भू–भागमा पर्दछ ।
यस जिल्लाको पूर्वमा चितवन र गोर्खा, पश्चिममा स्याङ्गजा, उत्तरमा कास्की र लम्जुङ्ग तथा दक्षिणमा पाल्पा, नवलपरासी र चितवन जिल्लाहरु रहेका छन् । जिल्लालाई राजनैतिक प्रशासनिक इकाईको रुपमा निम्नानुसार विभाजन गर्न सकिन्छ ।
 



© सर्वाधिकार सुरक्षित गृह मन्त्रालय